8 сәуір күні Балқаш аудандық білім бөліміне қарасты Б.Бейсекбаев атындағы мектеп-гимназиясында аудан мектептері арасында «Үздік сынып жетекші-2022» байқауы өткізілді. Бұл байқауға аудан мектептерінен 20 сынып жетекші қатысып, өз тәжірибелерімен бөлісті.
Байқаудың мақсаты: Байқау жалпы білім беру ұйымдарындағы тәрбиенің рөлін арттыру, тәрбие үдерісін жетілдіру, тәрбие субьектілерінің құзырлығын дамыту. Кәсіби деңгейі жоғары, шығармашыл және талантты тұлғаны анықтау, сыныптың тәрбиелік тәжірибесін басқару субьектісі ретінде сынып жетекшілерінің шығармашылық тәжірибесін айқындау арқылы тәрбие жүйесінде озат педагогикалық тәжірибесін анықтау, тәрбие бағытындағы инновациялық және шығармашылық идеяларын көрсету болып табылады.
«Үздік сынып жетекші -2022» байқауының әділқазылары төмендегідей құраммен бекітілді.
Аймұханбет Айман Амиркешқызы- Балқаш аудандық білім бөлімінің басшысы, әділқазы алқасының төрайымы; Қойшығұлов Жетпісбай Тойшыбайұлы,Ақмолдаева Динара Нуржаханқызы, Төлеубекова Жұлдыз Дулатбиқызы, Сейсеке Ахын Сейсекеұлы қазылық етті. Әділқазылардың шешімімен екі кезең бойынша өткізілген байқауда ең жоғары ұпай жинаған М. Сеңгірбаев орта мектебінің 9 сынып жетекшісі Ахатаева Сандуғаш Қуанышбекқызы байқаудың « Бас жүлде» иегері атанып, облыстық «Үздік сынып жетекші-2022» байқауға жолдама алды.
1-ші орын иегері Ақкөл орта мектебінің 9 сынып жетекшісі Барлыбекова Алмагуль Калиқызы.
2-ші орын иегерлері Аралтөбе орта мектебінің 5 сынып жетекшісі Ержанбаева Меруерт Абайқызы, Береке орта мектебінің 6 сынып жетекшісі Дулатова Дариға Рашидқызы болды.
3-ші орын иегерлері Б.Бейсекбаев атындағы мектеп-гимназиясының 9 сынып жетекшісі Орынбетова Айгерім Серікқызы, Бірлік орта мектебінің 8 сынып жетекшісі Кузенбаева Жанар, Ақдала орта мектебінің 9 сынып жетекшісі Тазабекова Сауле Ертилеуқызы иеленді.
Сынып жетекші байқауының «Шебер жетекші», «Жаңашыл жетекші», «Ізденімпаз жетекші», «Тапқыр», «Шығармашыл жетекші» номинацияларына №2 Жамбыл атындағы орта мектебінің 8 сынып жетекшісі Кордабаева Айгерим Мұқанқызы, Үлгілі орта мектебінің 9 сынып жетекшісі Елжанова Мейрамкул Амангелдіқызы, Топар орта мектебінің 6 сынып жетекшісі Арыстанбекова Меруерт Жанахметқызы, Ы.Алтынсарин атындағы орта мектебінің 7 сынып жетекшісі Досымбекова Жадыра Ақылбекқызы, Бақанас мектеп-интернатының 5 сынып жетекшісі Қонғанбаева Бекзат Атшабарқызы ие болды.