10 маусым күні Алматы облысы, Балқаш ауданы бойынша білім мекемелерінде бірінші маусымнан бері 10 күн ішінде білім мекемелерінде 400 бала мектепішілік жазғы сауықтыру лагерлерінде демалып, Бала жылы аясында ұйымдастырылған іс-шараларға қатысып, өз өнерлерін ортаға салды. Он күнгі іс-шарада ата-аналардың демеушілігімен 850 бала Алматы қаласындағы"Гавай"ойын-сауық орталығына барып демалса, 395 бала аудан орталығындағы Тарихи өлкетану музейін, Д. Қонаев атындағы саябаққа саяхат жасады. Осылай балалардың әр күніне құрылған іс-шаралар жоғары деңгейде өткізіліп, 1-ші кезең өз мәресіне жетті. 10-шы маусымнан 01-ші шілдеге дейін білім мекемелерінен 450 бала Таңбалы тас шатқалына, 300 бала Қарамерген көне қалашығына, 600 бала аудандық Тарихи өлкетану музейіне, Д. Қонаев атындағы орта мектебіне, Д.Қонаев саябағына,көпіріне тағы сол сияқты ауданның көрікті жерлеріне барып саяхат жасайды деп жоспарлануда. Балалардың жақсы демалуына білім мекемелері, ата-аналар, демеушілер, ауыл әкімдері ат салысуда.Мектепішілік лагердің 2-ші кезеңі 4-шілдеде жалғасын табады.