Алматы облыстық білім беру саласындағы ғылыми-тәжірибелік акпараттык технологиялар орталығының ұйымдастыруымен 2023 жылдың 30 наурыз күні "Балқаш ауданы бойынша білім бөлімі" мемлекеттік мекемесінің Ақдала орта мектебі Бояулы шағын жинақталған бастауыш мектебінде «IT-технология және STEM дамуы» тақырыбында облыстық семинар өтті. Семинарға Алматы облыстық білім беру саласындағы ғылыми – тәжірибелік ақпараттық технологиялар орталығының әдіскерлері және пән мұғалімдері қатысты. Семинар барысында сыни тұрғыдан ойлау, ғылыми-техникалық білімді күнделікті өмірде пайдалану, белсенді қарым-қатынас құру және топпен жұмыс жасау, техникалық пәндерге қызығушылықты арттыру, жобаларға креативті және жаңашыл көзқарас бойынша озат іс -тәжірибелері таратылды. Семинар соңында балқаш аудандық білім бөлімінің басшысы Ақмолдаева Динара Нұржаханқызының сертификатымен семинарға белсене қатысқаны үшін ұстаздар марапатталды.